【Now財經台】國際金價連跌第3日,失守每盎司1900美元關口後,跌勢未止,現貨金價跌至半年低位,即1870美元水平,追蹤金價嘅SPDR金ETF(02840)亦同樣見半年低位約1360港元。
星展財資市場部上市產品策略師鍾宛婷分析指,現貨金價暫時失守之前喺1880美元嘅技術支持位,下一個支持位喺1850美元。如果投資者想部署中長線金價向上,佢建議揀中長身CALL輪,因為黃金價格唔算波動,同埋要等金價落到支持位再博反彈嘅話需要耐性,分注部署會較好。
Kathrin續指,唔建議揀輕微價外、明年3月底到期嘅CALL,並指可以留意另一款行使價約1600港元、明年6月底到期嘅CALL,時間值損耗相對低,實際槓桿有10倍以上。