【Now財經台】截至早上11時止，1小時內《彭博》用戶關注度上升最多港股，依次為中國恒大(03333)、騰訊控股(00700)、碧桂園(02007)、友邦保險(01299)及美團(03690)。
據《彭博》引述消息人士報道，恒大主席許家印本月較早時間被警察帶走，現正被監視居住。此外，據《路透》引述消息指，若恒大下月底仍未提交新境外債務重組計劃，部分債權人擬加入清盤呈請，喺咁多負面消息下，點解今朝恒大股價竟然有得升？
資深證券分析師彭偉新表示，要解釋呢個異動現象，就要留意北水對恒大嘅態度，並指集團復牌後，北水持股比例由7月嘅9.92%減至昨日(26日)嘅8.17%。佢認為，雖然北水未必急住掟貨以免推冧股價，但當股價一被谷高，佢哋嘅減磅力度就會好明顯。
Castor續指，睇返恒大基本面，睇唔到公司有咩前景，相信市場只係見今朝出爐嘅內地8月工業企業利潤有明顯增長，同埋大市反彈夾高股價。
