【Now財經台】市場預期美國息口年內見頂之際，本港兩大龍頭銀行今個月反而再度上調定期存款息率，滙豐銀行、中銀香港(02388)3個月及6個月港元定存息，分別高達4.3厘及4.5厘。
此外，現時港元12個月定存息普遍比3個月及6個月低，投資者想造定存應該點部署？上海商業銀行研究部主管林俊泓認為，根據過往經驗，加息周期完結後，息口會喺6至12個月內回落逾1%，建議一般散戶揀3個月或6個月定存。
佢分析指，睇返過去30年，即使當刻現金有4厘以上回報，未來12個月仍有約三分之二機會跑輸其他資產，除非投資者有較佳嘅擇時能力(market timing ability)，有信心判斷到撈底時機，並迅速將存款轉移至更高風險嘅資產，否則，造12個月定存就較易錯失投資機會。
Ryan續指，雖然好基本，但好多人冇考慮埋未來或出現突發性現金需求，所以造3個月或偏長少少嘅6個月定存會更靈活。
