【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、碧桂園(02007)、友邦保險(01299)、中國平安(02318)及比亞迪股份(01211)。
內地噚日公布最新獲批遊戲版號名單，騰訊冇份，股價今朝一度下試300元，騰訊同大市關聯度高，若恒指今日收市守唔住今年低位17573點，騰訊300元關口係咪危危乎？
光大財富證券策略師伍禮賢認為，港股今朝再下試今年低位，騰訊都跟住落到300元水平，相信呢個位會短線會有一個觸底過程。睇返基本面，佢仍睇好騰訊嘅遊戲、廣告及金融支付3大業務前景，隨著內地放寬手遊版號審批，加上海外遊戲業務增長迅速，以及內地經濟復甦，都對騰訊金融支付及廣告業務帶來唔錯嘅支持，相信股價喺300元水平有唔錯嘅中長期投資價值。
Kenny又話，雖然騰訊股價短線仍有機會跌穿300元，但現價值博率仍較高。
