【Now財經台】截至早上11時止，1小時內《彭博》用戶關注度上升最多港股，依次為中國平安(02318)、騰訊控股(00700)、中國恒大(03333)、友邦保險(01299)及中國奧園(03883)。
內房股今日重挫，拖累平保跌逾1.9%，之前股價落到45元水平有支持，今次係咪都一樣？
富昌證券聯席董事譚朗蔚指，內險股過往都會受債券投資影響，所以股價比較低殘，佢認為，平保跌至現水平，股價表現十分弱勢，又提醒投資者要審慎，除非平保後市上返及企穩49元水平，否則，股價會持續受壓。
騰訊方面，股價上周五(22日)跌至300元水平有反彈，雖然有北水撈底，但今日又跌過，Stevan就話，騰訊股價始終受大市左右，依家大市疲弱，騰訊股價亦表現低迷，自7月底反彈見頂後持續疲弱，甚至穿底，佢建議投資者暫時唔好太進取，最少等股價上返310元，甚至325元樓上，先有機會回穩。
