【Now財經台】受地緣政治緊張影響，中資科網股今年持續冇起色，唯獨網易(09999)今年暫時累升近40%，係表現第2好藍籌，相比其他科網股，網易「特點」係主要股東唔係外資，反觀其他科網股主要股東都以外資為主，呢個係咪網易今年跑出嘅原因？
紅蟻資本投資總監李澤銘指，呢個只係部分原因，更重要收入來源嘅分別，以騰訊控股(00700)及阿里巴巴(09988)為例，90%收入來自內地，但網易主要收入來源唔係內地，加上集團海外收入增長迅速，尤其遊戲業務海外利潤比內地更高，並佔整體收入好大比重，呢個係網易股價今年跑出嘅關鍵。
Alan又話，噚日(21日)喺東京開幕嘅「東京電玩展」對網易有一定嘅宣傳效用，若網易新發行嘅遊戲《Rusty Rabbit》喺電玩展中獲得業界好評，又或者大受歡迎，相信集團會上調收入預測，繼而利好股價。
