【Now財經台】快手(01024)連跌4日，累跌7%後，今朝顯著反彈，一度高見63.8元，升近5%，今朝熱門CALL輪價外11%，明年2月到期，熱門牛證收回價同現價有11%至14%距離，兩種產品都有5倍槓桿，想博反彈應該點揀？
法興銀行證券上市產品銷售部董事周翰宏指，快手股價喺之前低位有支持，想博反彈可以考慮較進取嘅條款，並指收回價約59元嘅牛證，槓桿有8倍以上，比CALL輪吸引，不過，如果正股反彈1日後又再回調，投資者就要盡快止蝕。
Horace續指，快手CALL嘅引伸波幅近月回落咗唔少，歷史波幅亦有回落趨勢，依家快手CALL引伸波幅約45%至50%，其實已經平咗，佢又話，若正股持續窄幅上落，估計引伸波幅會持續回落。
