【Now財經台】中信里昂證券近日舉辦投資者論壇，怡和洋行(Jardine Matheson)、港鐵公司(00066)同第一太平(00142)等都有參與，中信里昂提及，投資者對綜合企業嘅興趣大咗，現時綜合企業股價較資產淨值(NAV)平均有28%折讓，折讓幅度算唔算大，喺疲弱嘅市況下，綜合企業瓣數多係咪較有優勢？
耀才證券研究部總監植耀輝指，綜合企業嘅優勢在於即使某項業務唔係咁好景，都有其他業務撐住，大行對綜合企業嘅估值有較大分歧，但NAV有28%折讓仍算合理。
此外，中信里昂給予港鐵、長和(00001)、一太以及新創建集團(00659)「買入」評級，太古A(00019)評級就「跑輸大市」其中，港鐵及長和股價跑輸大市。
Stanley指，市場一直對港鐵嘅睇法都幾正面，因為車務收入穩定及現金流強勁，加上港鐵地產業務都幾好賺，所以對港鐵未來發展有一定憧憬，不過，由於地產市道差，導致派息唔穩定，如果未有貨嘅投資者不妨再睇定啲。
