【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、比亞迪股份(01211)、碧桂園(02007)、友邦保險(01299)及舜宇光學(02382)。
美國聯儲局一如預期維持利率不變，而「點陣圖」顯示年內會再加息1次，主席鮑威爾亦指，若有需要，局方已就再加息做準備，港美科技股齊受壓，騰訊今朝跌至300元邊緣，睇返第3季表現，騰訊係ATM之中跌幅最大個股，累跌逾8%，點解表現會咁差？
第一上海首席策略師葉尚志指，其實騰訊股價較美團(03690)及阿里巴巴(09988)穩定，當股價處於相對高位時，難免有獲利回套嘅情況出現，不過，騰訊依然係科技股首選，因為之前都冇明顯下跌，反映基本面及各方面都比較好，近期只係受大市拖累向下。
