【Now財經台】美團(03690)股價8月以來一直向下，踏入9月跌得更急，股價今朝低開後，一度低見115.2元，跌3.4%，見3個月低位。資金連續3日流入美團好倉，5日合計，有逾1374萬元資金坐貨，係資金流入第2大個股，較熱門嘅CALL都比較長身，好友係咪傾向做中長線部署？
滙豐亞太區財富管理香港上市產品銷售經理盧貴良認為，由於依家已經係9月，建議好友部署時考慮明年1、2月到期嘅產品，近期較多投資者加倉好倉，美團由140元一直跌落去，已跌穿埋120元呢個較重要嘅支持位，如果仍然持有好倉嘅投資者，可以考慮較保守嘅條款，依家成交較活躍嘅CALL，行使價喺160元水平，比較價外。
佢又話，如果想保守啲，可以考慮行使價140元，明年3月到期，實際槓桿可以做到6倍。
PUT輪方面，美團股價已跌穿120元，投資者可以考慮行使價108元，價外10%，12月到期，實際槓桿6倍嘅產品
