【Now財經台】今年以來，最少有逾160家公司回購股份，原因不外乎估值平或股價殘，而近6、7個交易日曾經出手回購，兼股價近3個月最少見52周低位嘅股份有逾20家，當中包括蒙牛乳業(02391)，公司由9月5日起，持續做回購，今年暫時用咗7億元做回購，每股平均價30元，當中有咩啟示？
英皇資本財富管理方案研究總監陳錦興就認為，蒙牛今年已做咗逾50次回購，公司密集出手反映對前景有一定信心，同埋蒙牛估股依家處於歷史平均偏低水平，所以有一定參考價值。佢又話，蒙牛有強勁現金流，可以支持公司做回購，再喺市場上體現價值。
股價方面，Stanley指，蒙牛中期業績唔錯，下半年內需持續復甦亦對集團有幫助，因此，股價見底回升嘅機會唔細。
