【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、騰訊控股(00700)、融創中國(01917)、中國恒大(03333)、友邦保險(01299)。
騰訊大股東Prosus及其母公司Naspers嘅行政總裁請辭，由集團投資總監接任，騰訊股價持續受壓，今朝一度失守310元，股價受壓同人事變動有冇關？會唔會影響減持部署？
大唐資本投資策略部總監盧志明認為，今次人事變動影響唔大，因為減持騰訊已經有一個清晰嘅步伐及時間表。事實上，騰訊股價一直受政策左右，過去一段時間，都睇到政策對新經濟股嘅利潤及發展都有明顯影響，所以純粹高層變動唔會構成重大影響。
Ken又指，睇返騰訊股價，300元關口係一個重要支持位，如果投資者想博反彈，呢個係關鍵防守位，佢認為，騰訊依家嘅阻力位喺327至330元，又指暫時反彈力度唔大。
