【Now財經台】名創優品(09896)上周五(15日)公布回購計劃，擬未來12月回購最多2億美元股份，不過，股價今日持續受壓，一度挫近8%，低見53.95元，點解市場反應咁負面？
博威環球證券金融首席分析師聶振邦指，一般而言，上市公司會喺股價低迷時回購股份，目的係支撐股價，但名創優品股價持續上升，集團喺股價處於高水平時做回購，市場就未必能解讀箇中情況，但睇返名創優品嘅情況，如果回購目的係幫股價維穩，市場就會揣測點解仲要維穩，就會利淡股價，導致出現沽壓。
聶Sir又話，名創優品股價8月底由45元起步，短短半個月已升咗10元，雖然依家有少少調整，但只要股價企穩50元或以上，沽壓仍唔算太大。
