【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、騰訊控股(00700)、碧桂園(02007)、中國恒大(03333)及信達生物(01801)。
歐盟上周指，要對內地電動車企進行反補貼調查，最新有報道指，歐盟擬制訂方案，避免過度依賴中國電池。不過，擁有刀片電池技術嘅比亞迪股價今日逆市升，早段最多升逾2%，高見253.4元，中午收報251元，仍升1%。
富昌證券聯席董事譚朗蔚認為，唔止歐盟，美國及盟友如南韓等，未來好可能陸續制裁或審查內地電動車企，相信政策風險會持續困擾呢個板塊。
Stevan又指，比亞迪股價已自低位反彈咗一段時間，企唔企得穩248元非常關鍵，除咗係6月、7月嘅雙頂頸線位置，亦係較早前嘅阻力位。佢建議，投資者考慮清楚先喺現水平入場，亦要留意同業股價有冇轉弱跡象。
