【Now財經台】內地今日公布，8月工業增加值增速回升，其中，石油及天然氣開採業務增速由4.2%加快至7.2%。此外，據《彭博》計算，內地煉油廠上月原油處理量升至紀錄高位。
今年油價高企，令石油股持續強勢，中國海洋石油(00883)、中國石油股份(00857)股價今日齊破頂，紅蟻資本投資總監李澤銘認為，內地原油需求顯著增加，將繼續支持油股股價。
Alan分析指，另一利好因素係主要產油國沙特阿拉伯及俄羅斯今年大幅減產，內地油企趁機增產填補市場嘅需求缺口，加上油價高企，相信油企第3、4季可以賺更多。
此外，國際油價於第3季發力，紐約期油、倫敦布蘭特期油今季急升逾20%。Alan相信油價仲有上升空間，因為美國經濟仍然強勁，對石油仍有需求。中國方面，雖然經濟未完全復甦，但市場估計，內地政府準備緊戰略石油儲備，所以近年大量入口石油，亦有龐大嘅儲油需求。
