【Now財經台】據《彭博》引述消息報道，安踏體育(02020)持股嘅國際運動品牌Amer Sports，已秘密在美國遞交IPO申請，計劃明年初掛牌，估值最高100億美元，集資規模最多可擴至30億美元，同其他國際運動品牌相比，Amer Sports估值合唔合理？
艾德金融聯席董事陳政深指，Amer Sports估值合理，因為集團屬高定位品牌，因此，毛利率、估值及市銷率都會較高，而北美市場對呢個品牌相對熟悉，若今次成功上市可以釋放到公司價值，而分析員對呢類品牌嘅估值可以再畀得高少少一啲。
股價方面，Ryan認為，安踏股價走勢受整體大市氣氛影響，喺92.5元水平會有較大阻力，如果Amer Sport上市有進一步消息，可以成為股價催化劑，短期則受制於88元至92元。
