【Now財經台】鋰業股近期走勢疲弱，其中，贛鋒鋰業(01772)及天齊鋰業(09696)股價逐步下試前底，兩家公司不論中期或第2季純利都要跌，更被唔同大行下調盈利預測及目標價，股價持續弱勢，究竟仲要跌幾多？依家贛鋒及天齊市帳率(PB)僅約1.4倍，估值係咪已經有一定吸引力？
元宇證券投資總監林嘉麒指，其實1.4倍PB係好吸引，但市場擔心公司產能利用率仍處於低水平，所以PB有可能會再低啲。此外，暫時市場估計兩家公司2024年盈利預測會下調10%至20%，股價會唔會好轉，就要睇盈利預測會唔會好過市場預期，因為鋰價今年5月一度自低位反彈，加上淘汰落後產能，會對電池股龍頭會有幫助，繼而令股價回穩。
