【Now財經台】中國石油化工股份(00386)早前指，近年喺中國電動車快速普及下，導致燃油車需求減少，內地對燃油車需求會提早兩年喺今年達到高峰。此外，國策要求6個省其中22個城市，新網約車要係純電動等，依家買油股使唔使擔心石油需求持續疲弱？
香港大學房地產及建設系客席副教授楊書健指，石油峰值(Peak oil)概念短期唔會影響投資油股，依家全球有20億部車，若全球政府突然強推電動車，都要20、30年先可以完全取代，雖然陸上交通正逐步電動化，但飛機及船仍然用緊石油。此外，石油亦有其他工業用途，例如所有塑膠都係用石油提煉出嚟，雖然未來需求可能有改，但「股神」巴菲特仍照買油股，如果未來一兩年供應萎縮速度比需求快，油價反而會上升。
Victor又話，若投資者睇好油價，唔一定要買油股，亦可以考慮....
