【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、阿里巴巴(09988)、騰訊控股(00700)、中國平安(02318)及龍湖集團(00960)。
人民銀行再出招支持內地樓市，加上內地四大一線城市實施「認房不認貸」，內房股今朝成板爆上，其中，今日收市後被踢出藍籌嘅碧桂園，早市一度勁升19%，重上1元水平，龍湖亦爆升13%。
富昌證券聯席董事譚朗蔚認為，內地密集推出多項利好內房嘅政策後，暫時未見淡友有大動作，預期內房板塊短線會迎來早前跌浪後嘅反彈。
Stevan續指，留意到PP中地美債(03001)呢隻專買內房民企垃圾級別債嘅ETF(交易所買賣基金)，半日見彈高近9%，亦反映板塊短線投資氣氛有改善。
