【Now財經台】心動公司(02400)中期業績扭虧轉盈，符合盈喜預告，但睇到信息業務，不論中國版、國際版月活躍用戶都大跌近20%，遊戲收入亦僅增長2%，活躍用戶亦跌近10%，呢個情況會唔會影響下半年收入？
耀才證券研究部總監植耀輝指，對心動公司下半年業績睇法比較審慎，因為隨著內地有好多遊戲獲批版號，變相加大遊戲公司之間嘅競爭，所以要視乎遊戲本身有冇吸引力，不論變數及挑戰都唔少，始終依家遊戲有太多選擇，要留住玩家及課金，而廣告收入主要睇網頁瀏覽量，同埋下半年活躍用戶人數有冇機會反彈，都會對公司業績有好大影響。
至於點揀網遊股，Stanley就話，睇估值會傾向揀大公司，例如網易(09999)，因為相對吸引。
