【Now財經台】大唐新能源(01798)中期純利僅增長1%，營業收入增長12%，單計第2季，純利更按年倒退18%，大唐新能源股價業績後急瀉，一度重挫17%，係咪反映市場唔滿意呢份成績表？
元宇證券投資總監林嘉麒指，大唐新能源第2季表現的確唔算太好，雖然發電量維持到一定水平，但去唔到盈利層面，導致盈利近乎冇增長，股價自然大跌。佢坦言，擔心下半年業績會「見紅」，由盈轉虧，除咗日常開支，一啲國家工程有可能會加快，到時開支又再增加，市場或者都留意到呢個情況，亦係投資者績後掟貨其中一個主因。
KK估計，大唐新能源下半年前景會較暗淡，不過，即使業績遠差過預期，但股價唔會咁易跌穿舊年10月低位，即1.7元水平。
