【Now財經台】美圖公司(01357)噚日收市後出咗業績,股價今日喺大成交下一度飆22%,衝上1個月高位,其中VIP訂閱一直都係收入主要增長動力,截至上半年止,應用程式VIP用戶達720萬,按年增長44%,付費滲透率約2.9%,人工智能生成內容(AIGC)功能愈來愈多,付費滲透率增長潛力係咪好大?
英皇資本財富管理方案研究總監陳錦興指,美圖付費滲透率增長潛力大,因為AIGC生作圖像切合到用戶需求,加上用戶體驗良好,有助推動付費用戶增長。
Stanley又話,美圖付費用戶仍有增長空間,因為依家活躍用戶超過2.47億,加上用戶數目繼續平穩增長,因此,付費滲透率仍有機會提升,繼而推動收入增長。