【Now財經台】嘉里建設(00683)中午派咗中期成績表，基礎溢利增長15%，但純利跌37%，中期息維持0.4元，雖然賺少咗，但派息仲keep到，呢份成績表收唔收貨？
華盛證券經紀部董事李偉傑認為，嘉里建設派息同過去3、4年一樣，股息率都超過9厘，可以繼續留住投資者。負債方面，依家嘉里建設淨負債比率33.3%，Jason就話，負債比率唔算高，但市場擔心息口一直上嘅同時，債務利息成本亦會持續上升，要釋除呢個疑慮，就要視乎資金可唔可以正常回籠，但佢認為，暫時唔使太擔心。佢認為，負債比率低亦未必係好事，意味發展商嘅發展規模或資金調配能力可能較低。
