【Now財經台】瑞聲科技(02018)中期毛利率係上市以來最差，聲學產品收入33.2億元，按年跌19.9%，跌幅大過整體收入好多。不過，瑞聲8月又斥資3.2億美元收購高端音響公司Acoustics Solutions，聲學業務下半年有冇條件改善？
耀才證券研究部總監植耀輝指，呢個要睇大環境，始終安卓系統手機公司去庫存壓力大，大行預測今年全球手機出貨量按年多6%，意味下半年氣氛有機會改善，但未必會有好大反彈。
Stanley又話，收購消息屬正面，因為會多咗生意，但行業不景氣情況會延續，所以估計對公司改善下半年盈利冇乜幫助。
