【Now財經台】截至早上11時，1小時內《彭博》用戶關注度上升最多嘅港股依次為安踏體育(02020)、騰訊控股(00700)、快手(01024)、友邦保險(01299)及恒基地產(00012)。
安踏出咗中期業績，今日最多升超過10%，係表現最好藍籌，安踏上半年賺多咗32%，中期息同派息比率都有增加，券商話比預期好，毛利率及經營溢利率都唔錯，全年業務指引亦無令市場失望。安踏表現明顯跑贏李寧(02331)，李寧上半年純利同毛利率都下跌，股價繼續向下，同樣都係體育品牌，點解安踏同李寧會差咁遠？
大華繼顯執行董事梁偉源指，安踏嘅盈利增長率比李寧快，優勢在於FILA，消費者被FILA嘅外國品牌影子所吸引，所以FILA嘅業務增長較高，毛利率亦比安踏好。
