【Now財經台】今年係疫後重啟後第1個暑假，唔少市民紛紛到外地旅行，有冇出現一個「報復式旅遊」情況？相對疫情前，港人外遊回復到咩水平？
東瀛遊(06882)執行董事禤國全指，今個疫後暑假，如果同2019年比較，喺運力及人力資源不足下，已相等於當年80%，其實已略為跑贏大市。
佢又指，今年復活節開始出現變化，多咗唔少家庭旅遊，所以公司對針對呢個客群，度身訂造行程畀佢哋，旅遊日數亦長咗，以日本為例，過往5日團佔整體90%，依家主要係6日至7日，但依家5日團僅佔約10%，出現呢個情況，首先機票貴，去多幾日就抵啲，其次係唔少港人好多年冇去旅行，所以都想玩耐啲。
至於呢種報復式旅遊會持續幾耐，禤國全就話...
