【Now財經台】美國3月爆發嘅地區銀行危機好快平息，不過，有評級機構認為，銀行經營環境轉差，其中，惠譽最新指，包括摩根大通在內等大銀行評級，亦有下調風險。另有消息指，美國監管機構會向資產規模唔少過1000億美元嘅銀行，提出發行足夠長債嘅要求，以彌補資本損失。到底美國銀行危機係咪好似評級機構講到咁嚴重？
潤淼資產管理董事盧志威指，其實3月爆發嘅地區銀行危機唔係市場講到咁嚴重，依家美國監管機構明顯想睇少幾家銀行，希望高息環境可以推動銀行合併、重組，因為喺呢個操作下，銀行體系會變得更健康，唔會咁易冧，但提醒投資者中小型銀行股嘅股價會比較飄忽。
佢又話，雖然小型銀行依家冇乜優勢，好難揾到新定位，因此，都係朝著合併、重組嘅大方向發展，合理之餘，美國監管機構亦樂見。
