【Now財經台】置富產業信託(00778)舊年10月首度進軍海外，用咗約5億元收購1個新加坡商住項目，依家海外項目佔集團整體物業組合估值逾1%，置富產業信託行政總裁趙宇指，有空間將佔比提升至10%。除置富外，領展房產基金(00823)及冠君產業信託(02778)都有收購海外物業，本港房託嘅投資組合愈來愈多元化，對行業係咪一件好事？
香港大學房地產及建設系客席副教授楊書健指，本港房託競爭壓力好大，要喺本地做收購冇一個明顯優勢可以撼贏本地發等展商及機構投資者等對手。
不過，Victor指出，香港房託衝出海外就有競爭優勢，原因係香港嘅資金成本相對穩定，美元今年強勢，令港元兌英鎊及澳元都有得升，本港幾家大型房託主要集中喺英國、澳洲進行收購，因為同呢啲地方交流多啲、關係深啲，而投資回報亦合理，收購項目自然較多。
