【Now財經台】內地奶粉業龍頭中國飛鶴(06186)發盈警，預期中期收入按年持平，但純利最多跌36%，僅賺14.5億人仔，消息一出，即震散一眾乳業股，其中，飛鶴股價一度瀉14%，低見4.27元。
紅蟻資本投資總監李澤銘表示，市場原本預期跟去年上半年疫情封控時比較，今年同期收入會錄得單位數增長，純利按年亦會有增長，結果盈警同預期有好大落差，難免令市場失望。
Alan又話，飛鶴去年及今年上半年嘅成本結構差別唔大，今年奶源成本按年更輕微下降，相信純利大跌主要受行業競爭問題影響。佢又認為，雖然內地今年新推針對嬰幼兒配方乳粉產品嘅監管政策，有利飛鶴提升市佔率，但近年中國出生人口下跌，長遠會影響配方奶粉市場增長。
