【Now財經台】內地京津冀地區近日暴雨成災，市場自然擔憂保險公司又要作出大額賠償。不過，摩根士丹利仍唱好內地財險龍頭中國財險(02328)，預期集團只需賠約2億人仔，遠低於過去兩年因重大災害賠償嘅80億人仔。
大摩又話，財險控制風險嘅能力改善，預期股價未來30日有70%機會造好，目標價睇13元。
耀才證券研究部總監植耀輝亦認為，集團嘅經營成本控制做得好過中國平安(02318)、中國太保(02601)等同業，盈利能力亦勝同業。佢解釋指，財險今年上半年嘅預測綜合成本率(CoR)為96.7%，雖然數字反映集團只約3%嘅承保盈利空間，但已經係港股上市嘅同業中最低。
Stanley續指，汽車保險係財險核心業務，今年中央力谷新能源車銷售，有望造大車險市場個餅，而去年車險業務嘅CoR按年跌約2個百分點，相信集團今年嘅盈利空間會再擴大。
