【Now財經台】運動服代工商鷹美(02368)股價今日逆市升，午後繼續發力，一度高見4.76元，升3.4%，衝上兩年高位，值得留意係，14天RSI都同步升到80嘅相當超買水平。
鷹美、裕元集團(00551)、寶勝國際(03813)係同系公司，鷹美都係做代工，但只做運動服及成衣代工，主要客戶有Nike、The North Face等，集團近4個財政年度收入都錄得增長，去年收入更創新高，純利亦好貼近高峰，市場估計，集團有機會發盈喜。
鷹美股價一直守喺高位，上個高位喺5元樓上，應該會係上望挑戰嘅阻力。
