【Now財經台】持有金飾品牌金至尊嘅香港資源控股(02882)，獲六福集團(00590)入主兼以溢價20%提全購，前者股價今日一度飆50%，其後升幅大幅收窄，六福股價就反覆向下，今次交易亦涉及收購一批可換股債券(CB)，但六福指暫時無意私有化香港資源，點睇呢單交易？如果單睇六福股價，市場反應似乎唔算太正面。
《香港股票財技密碼》作者梁杰文指，如果睇返今日股價反應，市場似乎唔係好受落，但今次單deal涉及嘅金額唔夠3億元，對六福呢間市值百億元嘅公司嚟講，影響絕對唔大。佢又話，今次呢單交易涉及嘅金至尊店舖，令六福整體店舖變化唔夠10%，對六福業績影響唔大，其實六福本身持有金至尊50%，可能睇到呢個品牌有一定作為，先會喺依家「吞併」金至尊，以擴大本身嘅佔有率，佢估計，六福未來可以幫到金至尊扭虧為盈，對香港資源小股東來講，今次易主可以帶來新希望。
