【Now財經台】金山軟件(03888)預期於8月中派第2季成績表，摩根士丹利估計，金軟第2季遊戲業務收入按年增長10%，帶動整體收入按年增長21%，金軟股價6月開始穩步向上，但於35元水平遇阻，金軟可唔可以借業績突破呢個阻力位，甚至挑戰更高水平？
紅蟻資本投資總監李澤銘指，若最終公布嘅業績同大摩估計差唔多，股價未必有力向上突破，相信都係跟隨科網股整體走勢。佢又話，科網股近期走勢明顯改善，唔少科技龍頭股價如百度集團(09888)等紛紛破頂，暫時可以觀望下一輪人工智能(AI)或遊戲相關概念帶動嘅升勢，唔排除金軟有機會追落後。
