【Now財經台】新東方(09901)出咗去年第4季及全年業績，股價今日表現反映市場應該收貨，可能係公司今個季度嘅收入指引畀到市場信心，預期2024財年首季按年增長逾30%，按季就增長逾10%，業績出爐後，新東方獲多家大行上調目標價或全年盈利預測，集團現金多又做回購，股價係咪仲有排升？
耀才證券研究部總監植耀輝指，新東方派成績表後，大行都對公司業務發展有正面評價，而今個季度嘅收入指引亦令市場有驚喜，加上復常進度較快，又受惠於復常概念，相信係市場睇好新東方嘅主因，至於股價可唔可以延續強勢，就仍要觀察。
Stanley又指，新東方業務不斷轉型，最新開拓文化旅行相關業務，業務潛力好大，係新東方未來值得關注嘅地方。
