【Now財經台】近年啤酒股都有品牌「高端化」策略嚟應對內地市場供求飽和情況，其中，華潤啤酒(00291)更進軍貴價白酒市場，短短兩年已入主最少兩個白酒品牌。
不過，盈寶證券投資顧問總監譚智樂認為，白酒市場競爭更激烈，短期對潤啤業績冇幫助，目前以啤酒業務表現作為揀股指標比較好。
Arnold續指，內地消費市場仍然疲弱，白酒、茅台等貴價酒面對比啤酒更大嘅銷售壓力，反而作為大眾化必需品嘅啤酒單價較低，業務韌性較高。
佢又話，市場炒作進軍白酒市場嘅消息後，潤啤估值已經高過同業唔少，估計即使8月公布嘅中期業績唔錯，對股價刺激有限，而青島啤酒(00168)市盈率(PE)僅逾20倍，估值較低自然更吸引。
