【Now財經台】市傳歐舒丹(00973)大股東兼主席有意私有化公司，並考慮轉到其他歐洲市場上市，集團第2季業績交到貨，加上私有化憧憬，刺激股價今日大升，一度炒高逾13%，冇貨應唔應該追入？
博威環球證券金融首席分析師聶振邦認為，歐舒丹私有化短期內未必有進展，而呢類消息只可以炒幾日，市場之後會重新聚焦公司嘅業績，歐舒丹今日大升已反映咗私有化消息及業績表現，因此，下一輪炒作好大機會要等到出全年業績時。
聶Sir又話，如果投資者想入市，歐舒丹股價依家喺24元有明顯阻力，所以現價買入水位唔多，可以考慮股價消化咗今日嘅升幅，落返21元水平先買貨。
