【Now財經台】煤炭股飛尚無煙煤(01738)今朝大幅高開逾14%後，升勢持續，午後買盤更多，接近下午3時，突一口氣升穿2元關口，高見2.02元，勁升逾倍，升上7年半高位，不過，臨近尾市升幅顯著收窄，收市報1.57元，飆逾61%，雖然全日成交金額不足400萬元，但成交量較過去100日同時段平均激增逾270倍。
雖然中央政治局會議部署下半年穩經濟措施，有望重新推動經濟及能源需求，但煤炭股今日只係升到2%至3%，飛尚無煙煤股價似乎脫離咗基本面，今日開出1支大避雷針，但暫時仍算強勢，14天RSI升至近90，投資者宜再觀察一段時間，睇下股價企唔企得穩近年阻力1.4元樓上，或可以憧憬公司係咪醞釀緊一啲策略動作。
