【Now財經台】中央政治局會議提及，下半年要靠消費拉動經濟增長，刺激一眾內地零售消費股造好，其中，名創優品(09896)股價更創上市新高。
名創優品8月中下旬就會出全年業績，高盛估計，集團全年純利逾17億人仔，按年多賺1.6倍，不過，內地復常後消費力仍然疲弱，華盛證券經紀部董事李偉傑認為，名創優品未來會進一步拓展海外業務，對沖內地零售疲弱嘅影響，並指走向國際有助提升品牌效應，亦係未來業績嘅亮點。
據截至去年底止上半財年財報顯示，名創優品海外業務收入逾19億人仔，佔比較2022財年增加10個百分點至36.2%。
Jason續指，名創優品股價今日大裂口高開，自上周五低位30.35元，已反彈逾10元，技術上股價破頂，並估計重要阻力位喺42元水平，即係2021年美股股價向下，跌到只得個位數嘅低位，佢唔建議投資者現價高追，待股價回落至38.5元水平，即7月中高位後再考慮買入。
