【Now財經台】上周五停牌嘅中國儒意(00136)今日復牌，股價反覆向下，集團旗下上海儒意以22億人仔，收購北京萬達投資49%股權，依家北京萬達投資持有喺A股上市嘅萬達電影約36.5%，此外，上海儒意又會向北京萬達文化產業提供8億人仔零息貸款，期限為45日，令萬達可套現還債，今次中國儒意係咪執到平貨？
《香港股票財技密碼》作者梁杰文指，內房債務問題一直解決唔到，甚至出現債務違約情況，即使大型或有一定資產嘅內房都要出售業務或股權套現，今次萬達就係其中一個例子，帶挈中國儒意執到萬達電影呢件平貨。
Mike又指，除收購外，今次亦涉及一筆8億人仔零息貸款，反映重點並唔係收購，而係幫萬達電影母公司解燃眉之急，反映萬達因為資金問題被迫出售股權。
