【Now財經台】國際商業數字技術(01782)股價今朝高開2%，已經係暫時低位，之後一度逆市抽升28%，高見7.42元，創上市新高，暫時成交金額約3000萬元，成交股數較過去100日同時段平均大增8倍。
國際商業數字股價今年已累升3.96倍，市值由初年約11億元，炒高至最新56億元，就算睇好公司拓展央行數字貨幣業務，前景值得憧憬，但其實仲未有具體內容及表現，即使公司2021年有錢賺，但都只係賺逾300萬元，根本好難支撐到依家咁高嘅估值，值得留意係，國際商業數字街貨少，大股東杜力持股近75%，股價好易被舞高弄低。
