【Now財經台】上月底掛牌的半新股藥師幫(09885)上市未足月累計升幅已超過一倍。
藥師幫輕微高開後升幅持續擴大，午後最多升近10%，見41.75元創新高後曾倒跌，收市報38.55元升1%，成交超過5400萬元。
藥師幫主要從事網上藥品批發及零售，有別於本港其他主要線上醫療股，公司是內地最大院外醫藥生產服務平台，主要面向醫藥生產原料，主打B2B生意，業務性質獨特，上市首日已成功跑出。
藥師幫主要經營指標表現唔錯，總商品交易額GMV、月均活躍及付費買家都保持增長，但近三年卻無錢賺，去年虧損顯著擴大至15億元人民幣。公司基本因素有挑剔的地方，但新股主要炒供求，藥師幫招股1手中籤率只有30%，與同樣強勢的巨星傳奇差不多，招股結果顯示藥師幫大戶持貨比率超過八成，貨源算是高度歸邊，只要大戶無大舉沽貨，股價就有望保持在高位。
不過，從今日走勢睇明顯有獲利盤出現，加上上市滿月之後股價穩定期結束，或會造成股價波動，散戶若果有貨，可以考慮在上市滿月前食糊先，鎖定利潤。
