【Now財經台】中升控股(00881)股價連跌4日，今日早段曾再跌5%，集團被瑞信下調上半年新車銷售毛利率，摩根士丹利就調低今年起3年盈利預測，雖然中升不斷回購股份，但股價今年仍累跌近30%，面對汽車經銷行業結構性弱點，行業盈利高峰期係咪已經過去？中升股價單靠回購係咪唔足以扭轉劣勢？
英皇資本財富管理方案研究總監陳錦興指，暫時判斷唔到中升股價弱勢，到底同行業結構性問題有關，還是只係個別情況，汽車經銷股今年大幅跑輸，主要同疫情及供應鏈問題有關，市場年初預期行業會復甦，但復甦主要係新能源汽車行業，其他傳統汽車及高端汽車銷售都不似預期，令大行下調汽車經銷商盈利預測及目標價。
