【Now財經台】海信家電(00921)上周五收市後出盈喜，預期上半年多賺最多2倍，股價今日一度逆市升9.4%，高見20.2元，海信家電主力做冷氣機、雪櫃、冷櫃等家電，股價今年累升1.2倍，明顯跑贏唔少內需消費股，至於有製冷劑業務嘅東岳集團(00189)，今日都一度逆市升2.4%，衝上約3個月高位，家電股短線係咪繼續有得炒？
華盛證券經紀部董事李偉傑指，呢啲股份盈利表現唔錯，投資者亦有長揸嘅意欲，因為海信旗下產品暖通空調，冬天及夏天都可以使用，所以海信業務較為穩定。
Jason又話，過往9月前一般都係旺季，所以股價表現會較好，5月底至今已曾經兩度突破50天線，投資者不妨等回調先入貨。
