【Now財經台】中遠系嘅中遠海運國際(00517)發盈喜，預告中期最少多賺1倍至3.3億元，但值得留意係，集團今年中期純利增長，再度靠收息及聯營公司盈利帶動，長遠盈利增長前景係咪冇乜保證？
耀才證券研究部總監植耀輝指，中遠海運業務比較簡單，冇明顯賣點，但利潤一直唔差，主要係公司嘅聯營公司盈利表現好，加上揸住60億現金，比公司市值42億元仲多，另一方面，集團財務收入就受惠於加息周期，現金收息理想。
Stanley又話，中遠海運預期，上半年最少多賺1倍，估計會多過去年全年盈利，因而帶動股價今日急升逾10%。
