【Now財經台】內地運動科技股Keep(03650)今日首掛，僅早段短暫「潛水」，其餘時間都高過招股價，最高見過32元，較招股價28.92元，高逾10%，今日掛牌一度升到高招股價逾10%，雖然Keep過去幾年都係蝕錢，但去年虧損已大幅收窄，業務包括自家品牌運動產品，業務模式有冇增長潛力？
博威環球證券金融首席分析師聶振邦指，Keep主要做線上健身管理，疫情期間，內地居民受社交距離限制，甚少外出，所以會喺屋企自訂健身流程，養成喺屋企健身嘅習慣，再配合Keep銷售自家運動產品，可以產生協同效應。
聶Sir又話，由於內地較少呢類公司，所以Keep嘅競爭力比較強，但要考慮一點，就係疫情剛過去，內地居民不論健身習慣及體重管理方面都有所調整，中長線係理想，但都要睇埋上市後第1份業績，先再做評估。
