【Now財經台】噚日召開嘅中央全面深化改革委員會，通過多項意見，氫能作為內地重點發展嘅清潔能源之一，早於上月底，內地全國首次高壓力純氫管道試驗成功，之後中集安瑞科(03899)、東方電氣(01072)、東岳集團(00189)等氫能相關股開始起動，幾隻氫能股不論專長、領域都唔同，到底邊隻會成為新政策大贏家？
南華金融集團高級分析師莫灝楠指，其實每間公司嘅氫能源盈利供貢獻佔比都好細，呢排炒作氫能股係因為有新政策出爐，但好快就會打回原形，始終盈利貢獻唔大，如果真係要揀，暫時最正常係中集安瑞科及東岳，因為業務相對穩定。
