【Now財經台】恒指公司上周五公布，主要上市外國公司准納入恒指及科指，之前港股通擴容可納入外國上市公司，依家再進一步可以晉身成分股，市場近排追捧普拉達(Prada)(01913)，主要係今年3月Prada大熱倒灶，入唔到港股通，今次Prada係咪「染藍」大熱，晉身恒指成分股？
英皇資本財富管理方案研究總監陳錦興指，依家Prada市值1400億元，的確好大機會晉身恒指成分股，如果成功「染藍」，應該會被歸類為非必需品類別，依家Prada嘅市值比呢個類別嘅成分股仲要高。
此外，Prada納入後嘅比重約1%，而非必需品股喺恒指佔比唔大，但Prada加入後可以令恒指更均勻，唯一阻礙係公司喺意大利註冊，呢方面仍要睇睇有冇問題。
