【Now財經台】截至早上11時止,1小時內《彭博》用戶關注度上升最多港股,依次為世茂集團(00813)、碧桂園(02007)、銀河娛樂(00027)、騰訊控股(00700)及普拉達(01913)。
恒指公司上周六宣布,外國公司今年11月起可納入恒指及科指,「染藍」憧憬帶動普拉達及新秀麗(01910)呢兩日大升,其中,普拉達今朝一度升6%,高見57.7元,衝上逾1個月高位,暫時係今朝榜上表現最好嘅股份。
資深證券分析師彭偉新認為,如果普拉達最終獲納入指數,會吸引更多投資者關注呢隻股份,並指臨近中午收市前已有逾1150萬元資金流入普拉達,唔少係來自大戶投資者。
Castor續指,大戶流入資金嘅整體追貨率達18%,若比率上升至20%以上,反映投資者係睇好普拉達嘅長線表現而坐貨,有望擴大股價上升空間。