【Now財經台】醫藥股思路迪(01244)5月中成功「甩B」後，股價開始起動，集團上周五(7日)收市後發預喜，股價今日一度升3.8%，高見115.7元，再創上市新高，午後續於高位徘徊，收市報115.6元。
受惠於治療腫瘤產品「恩維達」上年成功商業化，思路迪預告，上半年收入及毛利按年增長66%至74%，中期毛利率按年維持92.9%水平。不過，上半年收入最多361億人仔，少過去年下半年，亦冇交代最新虧損情況，所以好難估計公司今年虧損，會唔會少過舊年嘅10億人仔。
睇返技術走勢，思路迪暫受制於保歷加通道頂部，但上月中起，已沿住擴闊嘅通道頂穩步向上，加上14天相對強弱指數(RSI)仲未升到70，只要短期維持到現時嘅成交，相信股價仍有動力再破頂。
