【Now財經台】中國中免(01880)出咗中期業績快報，半年收入增長30%，但純利微跌2%，股價今年係咁跌，反映經濟復甦不似預期，海南免稅店收入仍然疲弱，按高盛估算，集團第2季盈利會少過第1季，但毛利率會有改善，股價今日一度炒高近12%，高見115.9元，係咪反映市場唔太擔心中免業績？
元宇證券投資總監林嘉麒指，中免第2季只係賺少咗，收入仍維持唔錯嘅增長，意味純利僅受細項影響，集團喺海南島有幾個新項目，會令收入增加，相信市場對呢方面感到滿意。
KK又話，除暑假檔期效應，內地人流亦多返，市場憧憬海南島旅客數目按年會錄得唔錯增長，繼而帶動中免旗下項目消費按年亦錄得增長。
